Koloreduna

Azalaren kolorea gatazka askoren iturri izan da beti, eta, tamalez, oraindik ere halaxe da. Baina, ba ote du zentzurik? Munduaren beste aldeko txokoetan ere bada zentzugabea dela uste duenik. Hona hemen Australiako aborigenen hizkuntzan esku ezezagun batek izkiriatutako hitzak:

Koloreduna

Lagun zuri maitea,

Jakin beharko zenituzkeen pare bat gauza:

Jaiotzean, beltza naiz

Haztean, beltza naiz

Eguzkitan, beltza naiz

Hoztean, beltza naiz

Beldurtzean, beltza naiz

Eta hiltzean, oraindik beltza naiz.

Zu lagun zuri,

Jaiotzean, arrosa zara

Haztean, zuria zara

Eguzkitan, gorria zara

Hoztean, urdina zara

Beldurtzean, horia zara

Gaixotzean, berdea zara

Eta hiltzean, grisa zara.

ETA NIRI KOLOREDUN DEITZEKO AURPEGIA DUZU?

Elixabet