Idaztea

Haurrak garelarik ikasten duguna
eskolan hori lantzen gu ‘ta laguna
Oroimenean dugu gure inprenta
letrak banan-banan jarriz idazketa

Zeinen zaila den hasieran izena
denoi irakasten diguten lehena
Irakurtzeko ere ahaleginak
letrak lotzeko guk zailtasun handiak

Baina ze ona den lortzen dugunean
benetan gai garela konturatzean
Zoriontsu gara lortu dugulako
horrela familia poztu delako

Zeinen zaila den hasieran izena
gero ahaztaraziko digutena
Bizirauten saiatzen gara oraindik
ohartu gabe gabiltzala alferrik

Ingurua ezagutzera ibiliz
argazki mordoa ateratu irriz
gerturatu dira hegaka kaioak
entzuten dira ondo haien orroak

Itsasoan jolasten sentiturik haur
plisti-plasta hankak bustiz uretan gaur
Ze gutxi behar den ondo egoteko
txokolate-pastela azkar jateko

Ez dezagun beharrezkoa borratu
ikasi ondoren nahitaez deuseztatu
Heldu da bai gozatzeko momentua
jakinmina asetzera behartua

Heldu da ordua joateko aitzina
arkatza hartu, idatzi argiezina
Ze gutxi behar den begiak itxita
loak hartuz irudimena utzita.

Maite